ТМККК және МӘМС-те дәрілік көмек

Денсаулық сақтау саласындағы нормативтік құқықтық актілер ел халқы белгілі бір аурулар болған кезде ТМККК және МӘМС қаражаты есебінен амбулаториялық деңгейде дәрілік заттар мен медициналық бұйымдарға сене алатынын регламенттейді. ҚР Денсаулық сақтау министрінің 2021 жылғы 5 тамыздағы № 75 бұйрығымен бекітілген нозологиялар мен қолжетімді дәрілердің тізбесімен мына жерден танысуға болады.

Әлеуметтік медициналық сақтандыру жүйесіне көшу ересектер мен 18 жасқа дейінгі балаларға арналған тегін дәрілік заттардың тізімін едәуір кеңейтуге мүмкіндік берді. Атап айтқанда, амбулаториялық тізбеге қосымша келесі нозологиялар енгізілді:

• жұқпалы және паразиттік аурулар (Лайма ауруы, желшешек, микоз, токсоплазмоз және т. б.);
• ас қорыту аурулары (целиак ауруы, холелитиаз, холецистит/холангит және т. б.);
• эндокриндік бұзылулар (аминқышқылдарының тасымалдануының бұзылуы);
• жүйке жүйесінің аурулары (Альцгеймер ауруы, мигрень, тригеминальды жүйке зақымдануы, Дюшеннің бұлшықет дистрофиясы және т. б.);
• көру органдарының қабыну және қабыну емес аурулары (жедел / созылмалы блефарит, конъюнктивит, глаукома және т. б.);
• қан айналымы жүйесінің аурулары (біріншілік өкпе гипертензиясы, инфекциялық эндокардит) және т. б.
• тыныс алу органдарының аурулары (Жоғарғы және төменгі тыныс жолдарының жедел респираторлық инфекциялары, синусит, бадамша бездер мен аденоидтар аурулары, вазомоторлы және аллергиялық ринит).
• Дәрі-дәрмектерді алу үшін пациент өзінің учаскелік дәрігеріне (медбикеге) баруы керек. Учаскелік дәрігер / медбике науқастың жағдайын бағалайды және қажет болған жағдайда дәрі-дәрмектерді алуға рецепт жазады.
• Рецептпен сіз жеке басын куәландыратын құжатпен емхананың дәріханасына баруыңыз керек.

Естеріңізге сала кетейік, жедел, стационарлық және стационарды алмастыратын көмек көрсету кезінде барлық дәрілік заттар тегін беріледі.